ყველაზე აგრესიული თევზები, რომელთა შეძენასაც არ გირჩევთ

დიდ აკვარიუმში მოფარფატე პატარა ლამაზი თევზების ყურება თქვენს ნერვებზე დადებითად მოქმედებს და განტვირთვის საუკეთესო საშუალებაა, თუმცა ზოგიერთ თევზს ამ ჰარმონიის დარღვევა და ყველაფრის თავდაყირა დაყენება შეუძლია.

მშვიდობიან და უწყინარ სახეობებთან ერთად, არსებობენ საკმაოდ აგრესიული თევზები, რომლებიც საკუთარი თავის დასაცავად უკან არაფერზე იხევენ.

წარმოგიდგენთ აკვარიუმის თევზების ყველაზე აგრესიულ 6 სახეობას.

#1 წითელი პირანია

პირანიასთან ხუმრობასა და თამაშს არ გირჩევთ, მით უმეტეს, თითით შეხებას. ის არა მარტო სხვა თევზებისათვის წარმოადგენს საფრთხეს, არამედ თქვენც შეიძლება დაგაზიანოთ თავისი ბასრი და წვეტიანი კბილებით.

#2 წითელკუდა ზვიგენი

ეს თევზი ულამაზესია თავისი შავი სხეულითა და ხასხასა წითელი კუდით, თუმცა სხვა თევზების მიმართ დიდ აგრესიას ავლენს.

#3 ვეფხვისებრი ბარბუსი

ვეფხვისებრ ბარბუსებს ძალიან უყვართ სხვა თევზების ფარფლების კვნეტა და მათი დაზიანება, განსაკუთრებით აგრესიულები გამრავლების პერიოდში ხდებიან.

#4 გიგანტური დანიო

უმჯობესია, თუ ამ სახეობის რამდენიმე ინდივიდს ერთად იყოლიებთ, რადგან მათ ჯგუფურად ცურვა ძალიან უყვართ, შედარებით მომცრო ზომის თევზებს კი დიდად არ წყალობენ და ხშირად ესხმიან თავს.

#5 ზებრა ციხლიდისებრი

ყველა ციხლიდისებრი სახეობის თევზი არ არის აგრესიული, ზოგი მათგანი საყვარელი და მშვიდობისმოყვარეა, მაგრამ ზებრა ციხლიდისებრები და ოსკარ ასტრონატუსები შთამბეჭდავ ზომებს აღწევენ და პატარა ზომის თანამცურავებს გემრიელადაც შეექცევიან ხოლმე.

#6 თევზი დორა

თევზ დორას ძალიან ბასრი ფარფლები აქვს და გაბრაზების შემთხვევაში ფარფლებით სხვა თევზების შუაზე გაპობა შეუძლია.

ბოლო ამბები:

გირჩევთ