პრემიერმინისტრის, ირაკლი ღარიბაშვილის განცხადებით, ორ რეგიონში, სამეგრელოსა და შიდა ქართლში გუბერნატორები შეცვალეს. სამეგრელო-ზემო სვანეთში მალხაზ თორიას გიორგი გუგუჩია ჩაანაცვლებს, შიდა ქართლში კი მამუკა საღარეიშვილს ვალერიან მჭედლიძე.

ღარიბაშვილის თქმით, გუგუჩიას სახელმწიფო სტრუქტურებში, კერძოდ შინაგან საქმეთა სამინისტროში, სახელმწიფო უსაფრთხოების სამსახურსა და ფინანსთა სამინისტროში მუშაობის გამოცდილება აქვს. მისი აზრით, ის წარმატებული გუბერნატორი იქნება.

რაც შეეხება მჭედლიძეს, ღარიბაშვილმა აღნიშნა, რომ ის არის წარმატებული საჯარო სექტორის თანამშრომელი, რომელიც ბოლო წლებში ხელმძღვანელობდა გარემოს დაცვისა და სოფლის მეურნეობის სამინისტროს დაცული ტერიტორიების სააგენტოს, ასევე, მელიორაციისა და მიწის მართვის დეპარტამენტს.