26 მაისს საქართველოს პოლონეთის პრეზიდენტი, ანდჟეი დუდა ჩამოვა. საქართველოს პრეზიდენტის ადმინისტრაციის ცნობით, ვიზიტის ფარგლებში ის საქართველოს პრეზიდენტს, პრემიერმინისტრსა და პარლამენტის თავმჯდომარეს შეხვდება.

26 მაისს ის 11:00 საათზე თავისუფლების მოედანზე საქართველოს დამოუკიდებლობის დღისადმი მიძღვნილ ღონისძიებაზე სიტყვით გამოვა. 19:00 საათზე კი დამოუკიდებლობის დღისადმი მიძღვნილ გალაკონცერტსაც დაესწრება.

27 მაისს ანდჟეი დუდასა და საქართველოს პრეზიდენტის სალომე ზურაბიშვილის შეხვედრა პირისპირ შედგება, რომლის შემდეგ პრეზიდენტები ერთობლივ განცხადებებს გააკეთებენ.