ჯანდაცვის მინისტრის, ეკატერინე ტიკარაძის განცხადებით, აქვთ ინფორმაცია, რომ ევროკავშირი ჩინური ვაქცინით აცრილ მოქალაქეებს ევროკავშირში შეუშვებს.

"მნიშვნელოვანია, გავითვალისწინოთ ევროპის გამოცდილება. სულ რამდენიმე დღის წინ ევროპაში ითვლებოდა, რომ ისინი ჩინური ვაქცინით ვაქცინირებულ მოსახლეობას არ შეუშვებდნენ ევროკავშირში, თუმცა გუშინ უკვე გაჟღერდა სხვა განცხადება და ჩვენ გვაქვს ინფორმაცია, რომ ევროკავშირიც, გამომდინარე იქიდან, რომ ჯანმრთელობის მსოფლიო ორგანიზაციის აკრედიტაცია და აღიარება აქვს ჩინურ ვაქცინას, ეს მოქალაქეები დაიშვებიან ევროკავშირში", — განაცხადა ტიკარაძემ რუსთავი 2-თან.

მისივე თქმით, უკვე რამდენიმე თვეა, როგორც ევროკავშირთან, ისე ჯანმოსთან ერთად კოვიდ პასპორტებზე მუშაობენ. სამუშაოების დასრულების შემდეგ კი, შესაბამისი პრეზენტაცია გაკეთდება.