ელიტას გულშემატკივრებისთვის მშვენიერი ამბავი გვაქვს: მეოთხე სეზონის ტრეილერი აქაა! ტრეილერიდან ჩანს, რომ ძველ და კარგად ნაცნობ სახეებთან ერთად, მეოთხე სეზონი ახალ მოსწავლეებსაც წარმოგვიდგენს. ტრეილერში ახალ დირექტორს — ბენჟამინსაც ვეცნობით.

ელიტა სტრიმინგ სერვის ნეტფლიქსის ერთ-ერთი ყველაზე პოპულარული სერიალია, რომელმაც მთელ მსოფლიოში მილიონობით მაყურებელი მიიზიდა. მისი სიუჟეტი ესპანეთის მდიდრულ სკოლაში ვითარდება და თინეიჯერების ყოველდღიური ცხოვრების შესახებ მოგვითხრობს.

ახალ სეზონში კვლავ ვიხილავთ სამუელს, გუზმანს, ომარს, რებეკასა და სხვა კარგად ნაცნობ სახეებს. სამწუხაროდ, მესამე სეზონის შემდეგ მაყურებელს დამშვიდობება მოუწევს ისეთ გმირებთან, როგორებიც არიან ლუ, კარლა, პოლო და ვალერიო.

ელიტას მეოთხე სეზონის პრემიერა 18 ივნისს შედგება. ტრეილერიდან აშკარაა, რომ წინ ჩახლართული და საინტერესო ეპიზოდები გველის, ბევრი დრამითა და ცხელი სცენით!

ამავე თემაზე: