ჯანდაცვის მინისტრის მოადგილის, თამარ გაბუნიას განცხადებით, ვაქცინირებული ადამიანებისთვის ბენეფიტების შემოღება განიხილება, თუმცა ამას არ უნდა ჰქონდეს დისკრიმინაციული ხასიათი. როგორც საკოორდინაციო საბჭოს სხდომის შემდეგ გაბუნიამ განმარტა, ჯერჯერობით ვაქცინირებულთა გარკვეულ რაოდენობას ელოდებიან.

"მნიშვნელოვანია ის, რომ ბენეფიტი არ იყოს დისკრიმინაციული ხასიათი. ვიდრე მოთხოვნა არ იქნება სრულად დაკმაყოფილებული, ანუ ვიდრე ვაქცინების რაოდენობა არ იქნება იმდენი, რომ ყველა მსურველს ჰქონდეს მისი სწრაფად და დროულად მიღების შესაძლებლობა. დღეს მოთხოვნა გარკვეულ წილად აღემატება მიწოდებას, ვიდრე არ დაიწყება მასიური ვაქცინაციის კამპანია მანამდე, ამ ტიპის ბენეფიტების დაწესება შესაძლოა, ჰქონდეს გარკვეულწილად დისკრიმინაციული ხასიათი", — აღნიშნა გაბუნიამ.

მინისტრის მოადგილის განცხადებითვე, ორივე დოზით ვაქცინირებულთა რაოდენობამ ქვეყანაში 80 ათასს გადააჭარბა.