აშკარაა, რომ ჩვენი საყვარელი სერიალის, Friends-ის მსახიობებს ერთმანეთთან განსაკუთრებული მოგონებები და ურთიერთობები აკავშირებთ. ამის კიდევ ერთი დასტური ფიბის როლის შემსრულებლის, ლიზა კუდროუს შვილი ჯულიანია, რომელსაც, ლიზას თქმით, ბავშვობაში საკუთარ დედად ჯენიფერ ენისტონი მიაჩნდა.

ეს სახალისო ისტორია ლიზა კუდროუმ ტელეწამყვან კონან ო'ბრაიენთან ინტერვიუში გაიხსენა. როგორც აღმოჩნდა, ლიზას შვილი გადასაღებ მოედანზე ხშირად მიჰყავდა და ჯულიანიც მაშინვე ჯენიფერ ენისტონის კალთაში აღმოჩნდებოდა. ლიზამ აღნიშნა, რომ ეს ფაქტი აბედნიერებდა.

"მაგრამ შემდეგ სახლში ყოფნისას მას [ჯენიფერ ენისტონს] ტელევიზორში დაინახავდა და დედას დაუძახებდა... საკმაოდ ანალიტიკური ვარ, ამიტომ ჩემს თავს ვეკითხებოდი: ნუთუ, ეს სურვილით განსაზღვრული ფიქრებია? აქვთ თუ არა მათ დიადი სულიერი კავშირი, რომელიც მე მასთან [ჯულიანთან] არ მაქვს? ორივეს მაგივრად ბედნიერი ვარ", — ამბობს მსახიობი ინტერვიუში.

ლიზამ ისიც აღნიშნა, რომ ჯულიანი სპეციალური ეპიზოდისთვის მეგობრების შეკრებას ესწრებოდა.

"მან შეკრებაზე მოსვლა მოახერხა, რომლის შემდეგაც ჩემთან მოვიდა და მითხრა: 'შეიძლება ვთქვა, რომ შენით ძალიან ვამაყობ?' ეს ჩემი ცხოვრების ერთ-ერთი ყველაზე ემოციური მომენტი იყო", — ამბობს ლიზა კუდროუ.

17 წლის შემდეგ როსი, რეიჩელი, ჯოუი, მონიკა, ფიბი და ჩენდლერი კვლავ ერთად იკრიბებიან. ეპიზოდს, სახელად The One Where They Get Back Together, მაყურებელი იმაზე მალე იხილავს, ვიდრე ელოდით. სპეციალური ეპიზოდის პრემიერა HBO MAX-ზე 27 მაისს შედგება.

ამავე თემაზე: