ქართული ოცნებისა და ოპოზიციის დეპუტატების ნაწილი Sinopharm-ით აიცრა. კორონავირუსის ვაქცინაცა დეპუტატებმა რესპუბლიკურ საავადმყოფოში გაიკეთეს.

დღეს აიცრნენ: შალვა პაპუაშვილი, გიორგი ამილახვარი, ნინო ლაცაბიძე, ნიკოლოზ სამხარაძე, სალომე სამადაშვილი, ანა ნაცვლიშვილი, იაგო ხვიჩია, ვახტანგ მეგრელიშვილი, ალეკო ელისაშვილი, ლევან იოსელიანი, დავით ზილფიმიანი, ავთანდილ ენუქიძე, ხათუნა სამნიძე, დავით სონღულაშილი, თეონა აქუბარდია, ანრი ოხანაშვილი, ირაკლი მეზურნიშვილი.

დეპუტატების ნაწილი საჯაროდ აიცრა 6 მაისსაც. რესპუბლიკურ საავადმყოფოში უმეტესობამ ჩინური ვაქცინა სინოფარმი, ნაწილმა კი, ასტრაზენეკა გაიკეთა.

სინოფარმით ვაქცინაცია 4 მაისს დაიწყო. მან ჯანდაცვის მსოფლიო ორგანიზაიის ავტორიზაცია 7 მაისს მიიღო.

27 აპრილს ცნობილი გახდა, რომ ჩინურ ვაქცინა სინოფარმზე რეგისტრაცია 18 წლის ზემოთ მოქალაქეებსაც შეეძლებათ. ჯანდაცვის მინისტრ ეკატერინე ტიკარაძის თქმით, ამის საფუძველი არაერთი კვლევაა, სადაც 18-დან 60 წლამდე მოქალაქეებისთვის სინოფარმი არის უსაფრთხო ვაქცინა.