გორის მერის მოადგილეებმა თანამდებობები დატოვეს და ექს-პრემიერის, გიორგი გახარიას გუნდს შეუერთდნენ. როგორც ერასტი ელიჯარაშვილმა და პაატა ივანიშვილმა ჟურნალისტებთან განაცხადეს, თანამდებობიდან გადადგომის მოთხოვნით მათზე ზეწოლა ხორციელდებოდა.

"პირდაპირ გვთხოვენ თანამდებობის დატოვებას. თანამდებობა ჩვენი თვითმიზანი არ არის და არც გამოვეკიდებით მას. ჩვენ ვტოვებთ თანამდებობას. მმართველ პარტიას მინდა ვუთხრა, ხელი არ დააკარონ მერიის თანამშრომლებს, საჯარო მოხელეებს, რომელთა სიაც აქვთ და აპირებენ მათ გაშვებას", — განაცხადა ერასტი ელიჯარაშვილმა.

პაატა ივანიშილმა აღნიშნა, რომ გახარიას გუნდს უერთდებიან და თითმმართველობის არჩევნებში მონაწილეობას მიიღებენ.

"დაჟინებით მოითხოვენ დავტოვო თანამდებობა. რა თქმა უნდა, ჩვენ სკამებს და თანამდებობებს გამოკერილები არ ვართ. ჩვენ დავტოვებთ თანამდებობას. უბრალოდ, ერთი რამე მინდა ვუთხრა ჩემს თანაქალაქელებს, გორელებს, ჩვენ ვრჩებით თქვენს სამსახურში, თქვენ გვერდით", — განაცხადა ივანიშვილმა.