პარტია, პროგრესი და თავისუფლების ლიდერი, კახა ოქრიაშვილი აცხადებს, რომ მთავარი გირაოს გადახდა ან არ გადახდა კი არაა, არამედ ის, თუ ვინ გადაიხადა გირაო. ასე ეხმაურება იგი ევროკავშირის მიერ ნაციონალური მოძრაობის თავმჯდომარის, ნიკა მელიასთვის გირაოს გადახდას.

"ის კი არ არის მთავარი, გირაო გადახდილი იქნა თუ არ იქნა გირაო გადახდილი, ვინ გადაიხადა გირაო, ეგაა მთავარი. ევროკავშირმა გადაიხადა გირაო. ეს რას ნიშნავს? ადამიანს, რომელსაც ედავებიან სახელმწიფო გადატრიალებას, ევროკავშირი უხდის გირაოს. ეს იმას ნიშნავს, რომ საქართველოში მართლმსაჯულება არ არსებობს", — განაცხადა ოქრიაშვილმა ფორმუალსთან საუბრისას.

აღსანიშნავია, რომ დღეს კახა ოქრიაშვილმა ნიკა მელია რუსთავის ციხეში მოინახულა. როგორც საპატიმროს დატოვების შემდეგ ოქრიაშვილმა განაცხადა, მელიამ არ იცოდა, რომ ევროკავშირი მისთვის გირაოს გადახდას სწორედ დღეს აპირებდა.

გაიგეთ მეტი: