პარტია გირჩის ერთ-ერთი ლიდერის, ვახტანგ მეგრელიშვილის თქმით, არ სჯერა, რომ 20 ივნისის აქციის დაშლის დროს "ვიღაცამ გასცა ბრძანება, სახეში ესროლეთ ადამიანებსო". ამ საქმეზე ამნისტიის შესახებ საუბრისას მან განაცხადა, რომ შეთანხმება უფრო მნიშვნელოვანია, ვიდრე "ძველი ისტორიების მოქექვა".

"არ მჯერა, რომ ვიღაცამ გასცა ბრძანება, დამიზნებით ესროლეთო. მე უბრალოდ არ მჯერა, რომ ვიღაცამ გასცა ბრძანება, სახეში ესროლეთ ადამიანებსო [...]

საქართველოში არსებული სამართალდამცავი სისტემის უხარისხობის გამო, ნებისმიერ დროს შეიძლება აღმოაჩინო პრობლემები. ხოდა, თუ ჩვენ დავიწყებთ ამის გამოძიებას, ჩვენ მოვახერხებთ ჩხუბის გაგრძელებას. აუცილებლად მოვახერხებთ ჩხუბის გაგრძელებას. მე, უბრალოდ, როდესაც ასეთი მომენტი დგება, უფრო მნიშვნელოვნად მიმაჩნია შეთანხმების შესრულება, ვიდრე ახლიდან მოქექვა იმ ძელი ისტორიის, რომლის გამოც, ამდენი ხნის განმავლობაში კრიზისში ვართ", — განაცხადა მეგრელიშვილმა პალიტრანიუსის ეთერში.

ამავე გადაცემაში მეგრელიშვილმა განაცხადა, რომ 20 ივნისის ამნისტიის შესახებ პარლამნეტში წარდგენილი ორი კანონპროეტს შორის ფუნდამენტურ განსხვავებას ვერ ხედავს, თუმცა ქართული ოცნების ვერსია უფრო გასაგებად მიაჩნია.

გაიგეთ მეტი: