ლელოს ერთ-ერთი ლიდერი, საბა ბუაძე აცხადებს, რომ 20 ივნისის საქმეზე საპარლამენტო საგამოძიებო კომისიის შექმნა ყველა პოლიტიკური ძალის, მათ შორის, გიორი გახარიას ინტერესშიც უნდა იყოს.

"პასუხისმგებელი პირების წრე უნდა იქნას გამოკვეთილი და პირველ რიგში, ამ კომისიის მიერ. ამ კომისიის შემქნა უნდა იყოს ყველაპოლიტიკური ჯგუფის ინტერესში, პირველ რიგში ქართულუ ოცნების ინტერესში და მათ შორის, გიორგი გახარიას ინტერესში, რომელიც იმ დროს იკავებდა უმაღლეს თანამდებობას, რომელიც უშუალოდ პასუხისმგებელი იყო აი ამ მოვლენებთან დაკავშირებით.

პარლამენტში, აი ამ ჯგუფების მხარდაჭერა როგორი იქნება, ამას გვაჩვენებს დრო და ძალიან მნიშვნელოვანი ტესტი იქნება ეს ბევრი პოლიტიკური ჯგუფისთვის", — განაცხადა საბა ბუაძემ TV პირველთან საუბრისას.

20 ივნისის საქმეზე საგამოძიებო კომისიის შექმნის ინიციატივა ლელოს თავმჯდომარემ, მამუკა ხაზარაძემ 28 აპრილს გააჟღერა. გუშინ, 1-ელ მაისს იგი ნიკა მელიასთან შესახვედრად, რუსთავის ციხეში იმყოფებოდა.

გაიგეთ მეტი: