პოლონეთის პრეზიდენტის, ანდჟეი დუდას განცხადებით, 14 ივნისს NATO-ს სამიტზე ალიანსში უკრაინის გასაწევრიანებლად საჭირო "საგზაო რუკის" საკითხს განიხილავენ. უკრაინული მედიის ინფორმაციით, ამის შესახებ დუდამ ვოლოდიმირ ზელენსკისთან ერთად გამართულ ბრიფინგზე განაცხადა.

დუდა უკრაინელ კოლეგას პოლონეთში შეხვდა. ზელენსკის თქმით, მიიღო პირობა, რომ პოლონეთი მხარს დაუჭერს უკრაინის ინტეგრაციის საკითხს ნატოსა და ევროკავშირში. მან მადლობა გადაუხადა დუდას უკრაინის ტერიტორიული მთლიანობისა და სუვერენიტეტის მხარდაჭერისთვის.

ამ მოვლენებს წინ უძღოდა ვოლოდიმირ ზელენსკის განცხადება იმის შესახებ, რომ უკვე დროა უკრაინამ NATO-სა და ევროკავშირის წევრობისთვის საჭირო გეგმა მიიღოს.