თბილისის მერის, კახა კალაძის განცხადებით, მეწყრულ ზონასთან დაკავშირებული სამუშაოების განხორციელებაზე ე.წ. ექსპერტებისგან კრიტიკა ისმოდა, რასაც "არ იმსახურებდნენ". ამის შესახებ კალაძემ Facebook-ზე ვიდეოჩართვისას ისაუბრა.

"ე.წ. ექსპერტების მხრიდან დიდი კრიტიკა მოდიოდა, რასაც ჩვენ ნამდვილად არ ვიმსახურებდით. პირველივე დღიდან, როგორც კი გაჩნდა საფრთხე, გადაიდგა კონკრეტული ნაბიჯები, რათა მოსახლეობა უსაფრთხოდ ყოფილიყო. გზა ჩაიკეტა, შესაბამისი სამუშაოები განხორციელდა. ამჟამად კი, კონკრეტული არეალი მზადდება უკვე შემდეგი ეტაპისთვის. როგორც კი პროექტი მზად იქნება, მეორე ეტაპს დავიწყებთ", — განაცხადა კალაძემ.

17 მარტს ფორუმზე გავრცელდა ფოტოები, სადაც ჩანს, რომ ვაშლიჯვრისა და ნუცუბიძის დამაკავშირებელი გზის ფერდობზე ნაპრალები გაჩნდა. ფოტოების გავრცელებამდე, დილით, თბილისის მერმა, კახა კალაძემ განაცხადა, რომ მაჭავარიანის ქუჩაზე მეწყრული პროცესების გააქტიურების გამო ტრანსპორტის მოძრაობა ორმხრივად შეიზღუდებოდა.

მეწყრის შესასწავლად ჩამოსულები იყვნენ გერმანელი ექსპერტებიც. პროცესს მონიტორინგს უწევდნენ დედამიწის შემსწავლელ მეცნიერებათა ინსტიტუტი და სეისმური მონიტორინგის ეროვნული ცენტრის სპეციალისტებიც.

ამავე თემაზე: