პარტია ლელოს თავმჯდომარე, მამუკა ხაზარაძე ამბობს, რომ ევროპარლამენტარები და ევროკავშირის ფონდები დამნაშავეებს გირაოს არ უხდიან. ეს განცხადება ხაზარაძემ ევროკავშირის მიერ ნაციონალური მოძრაობის თავმჯდომარის, ნიკა მელიასთვის გირაოს შესაძლო გადახდაზე საუბრისას გააკეთა.

"ევროკავშირის პარლამენტარები და ევროკავშირის ფონდები დამნაშავეებს გირაოს არ უხდიან. ეს იქნებოდა კიდევ ერთი დიდი ლუსტრაცია და მე მიხარია, რომ ნიკამ ეს გადაწყვეტილება მიიღოს, მაგრამ, ეს არის მხოლოდ და მხოლოდ წინა პატიმრობიდან მისი დახსნის მექანიზმი.

შემდეგი გზა იმისათვის, რომ მას პატიმრობა არ შეეხოს, არის ამნისტია და ეს არის ხელშეკრულებაში ჩადებული. ამნისტიის ამოღება, ნებისმიერ პუნქტის ამოღება იმ 5-პუნქტიანი ხელშეკრულებიდან უნდა მოხდეს, თუ ასეთი საკითხი დადგა, მხოლოდ და მხოლოდ მედიატორების გადაწყვეტილებით", — განაცხადა ხაზარაძემ.

მან ხაზგასმით თქვა, რომ ამნისტიის კანონი "ჯალათებს" და ბრძანების გამცემებს არ უნდა შეეხოთ.

"მინდა მკაფიოდ განვაცხადო, რომ ლელოს პოზიცია არის ის, რომ არანაირი ჯალათების გამართლება, არანაირი ჯალათების ამნისტირება, რომლებმაც ბრძანება გასცეს, რომლებმაც გადაამეტეს თავიანთ უფლებამოსილებას, ჩვენი მხარდაჭერა ამას არ ექნება არავითარ შემთხვევში", — ამბობს ხაზარაძე.

ნაციონალური მოძრაობის თავმჯდომარე, ნიკა მელია თანახმაა ევროკავშირმა გირაო გადაუხადოს, თუ პარტიები ამნისტიის კანონპროექტს არ დაარეგისტრირებენ.

გაიგეთ მეტი: