მთავრობამ საპატრიარქოს მორიგი პრივილეგია მიანიჭა, სააღდგომო ლიტურგიასთან დაკავშირებით გადაადგილებაზე დაწესებული შეზღუდვა მხოლოდ ერთი დღით 1 მაისის 23:00 საათიდან 2 მაისის 04:00 საათამდე იმოქმედებს.

"გამონაკლისის სახით, სააღდგომო ლიტურგიასთან დაკავშირებით გადაადგილებაზე დაწესებული შეზღუდვა მხოლოდ ერთი დღით იმოქმედებს 1 მაისის 23:00 საათიდან 2 მაისის 04:00 საათამდე", — განაცხადა საკოორდინაციო საბჭოსთან არსებული ოპერაციული შტაბის უფროსმა, გიორგი ღიბრაძემ.

გასული წლის 19 აპრილს სააღდგომო ლიტურგია დიდ ტაძრებში კომენდანტის საათის დროს ჩატარდა, პატარა ტაძრებში კი მეორე დღეს, დილით. მრევლი ეკლესიებში კომენდანტის საათის დაწყებამდე მივიდა და სახლში წასვლა მხოლოდ დილით 6 საათზე მოახერხა.

მაშინ როცა ექიმები მოქალაქეებს მოუწოდებდნენ სახლში დარჩენილიყვნენ და ეკლესიაში აღდგომას არ წასულიყვნენ, სასულიერო პირების ნაწილი, მათ შორის სინოდის წევრები, ექიმების რჩევებს არ ითვალისწინებდნენ.