ქართული ოცნების დეპუტატის, ირაკლი ქადაგიშვილის განცხადებით, ამნისტიის კანონპროექტი პოლიციელებსაც შეეხებათ.

"ამნისტია ნიშნავს, რომ ვისაც რაღაც დანაშაული აქვს ჩადენილი, ყველას ეს დანაშაული ეპატიოს. გამომდინარე აქედან, ის პოლიციელები, რომლებიც უფლებამოსილების გადამეტების გამო არიან, ასე ვთქვათ, მიცემული პასუხისგებაში, მათაც შეეხებათ ეს ამნისტიის კანონპროექტი", — განაცხადა ქადაგიშვილმა.

19 აპრილს ევროპული საბჭოს პრეზიდენტის, შარლ მიშელის ახალ დოკუმენტს შვიდმა პოლიტიკურმა პარტიამ და რამდენიმე დამოუკიდებელმა დეპუტატმა მოაწერა ხელი. ხელმოწერის ცერემონია პრეზიდენტის სასახლეში გაიმართა და ონლაინ-რეჟიმში თავად მიშელიც დაესწრო.

დოკუმენტზე ხელმოწერაზე უარი თქვეს ნაციონალურმა მოძრაობამ და ევროპულმა საქართველომ. ასევე, ლეიბორისტულმა პარტიამ. თუმცა, აღსანიშნავია, რომ ამ პარტიებიდან ცალკეულმა დეპუტატებმა დოკუმენტს ხელი ინდივიდუალური გადაწყვეტილების საფუძველზე მოაწერეს.

გაიგეთ მეტი: