ჯანდაცვის მინისტრის, ეკატერინე ტიკარაძის განცხადებით, სააღდგომო დღესასწაულებამდე საქართველოს პატრიარქთან შეხვედრა არის დაგეგმილი. ის იმედს გამოთქვამს, რომ მათ ეკლესიის "მხარდაჭერა" წელსაც ექნებათ. ამის შესახებ მან რუსთავი 2-ის ეთერში ისაუბრა.

"ამასთან დაკავშრებით არის არაერთი მსჯელობა, თუ როგორ უნდა მოხდეს უქმეების დეტალური აღწერა, თუ რა ქცევითი მოთხოვნები უნდა დაწესდეს უქმეებზე. აქედან გამომდინარე, ვინაიდან ერთობლივად უნდა მიიღოს ამაზე საბჭოს გადაწყვეტილება, თავს შევიკავებდი კონკრეტული რეკომენდაციებისგან და დაველოდებოდი შემდეგ კვირაში საბჭოს მიერ ერთობლივად გამოტანილ გადაწყვეტილებას.

რაც შეეხება საეკლესიო დღესასწაულებს, მე დრაწმუნებული ვარ, რომ როგორც შარშან ეკლესია იდგა ხალხისა და მთავრობის გვერდით, დღესაც ჩვენ გავქვს ძალიან დიდი იმედი მათი მხარდაჭერის. დიუახ, არის დაგეგმილი შეხვედრა პატრიარქთან", — თქვა მან.

9 აპრილს უწყებათაშორისი საკოორდინაციო საბჭომ აღდგომის შემდგომი ერთი კვირა, 4-11 მაისი საქართველოს მასშტაბით უქმე დღეებად გამოაცხადა. ამასთან, დამსაქმებლებს თანამშრომელთა დისტანციურ სამუშაო რეჟიმში გადაყვანის რეკომენდაციით მიმართა, ხოლო კომენდანტის საათი ძალაში დატოვა.