ქართული ოცნების საზოგადოებასთან ურთიერთობის მდივანი, შალვა პაპუაშვილი ამბობს, რომ საქართველოს ახალგაზრდა იურისტთა ასოციაციისგან იმ განცხადებას, რომელიც 20-21 ივნისის საქმეზე ამნისტიას ეხება, არ ელოდა.

"ახალგაზრდა იურისტთა ასოციაციის აღქმით ევროკავშირისა და აშშ-ის ჩართულობით ევროპული საბჭოს პრეზიდენტის შარლ მიშელის მიერ შედგენილი დოკუმენტი საერთაშორისო სამართალს არღვევს. შეთანხმების წარუმატებელი ჩაშლის გამო "ნაციონალური მოძრაობა" და "ევროპული საქართველო" მისი აღსრულების ჩაშლას რომ ცდილობენ, ეს გასაგებია, მაგრამ, საია-სგან, სიმართლე გითხრათ, ცოტა არ იყოს და არ მოველოდი. რა ვიფიქრო, არც კი ვიცი", — ამბობს პაპუაშვილი.

საქართველოს ახალგაზრდა იურისტთა ასოციაცია (საია) მოუწოდებს პოლიტიკურ პარტიებს არ დააინიცირონ კანონპროექტი, რომლითაც ამნისტია სამართალდამცველებსაც შეეხებათ.