ნაციონალური მოძრაობის თავმჯდომარე, ნიკა მელია უკმაყოფილოა შეთანხმების იმ ნაწილით, რომელიც მისი გათავისუფლებისთვის გირაოს გადახდას ითვალისწინებს. ამის შესახებ მან მთავარი არხის ეთერში ისაუბრა.

"თავს ვგრძნობ მოტყუებულად და დამცირებულადაც კი და რატომ? აღმოჩნდა, რომ გუშინდელი ხელმოწერილი დოკუმენტის მიღმა, შეთანხმება რომ შედგეს, აუცილებელია ერთი წინაპირობა შესრულდეს და რა არის ეს წინაპირობაა თურმე? ვიღაცამ უნდა გადამიხადოს გირაო მე გირაო და ამისთვის საჭირო ყოფილა ჩემი თანხმობა. არაფერი არ შეცვლილა ჩემთან მიმართებაში ბოლო ორი თვის განმავლობაში, ეს არის არა ჩემი აკვიატება, არა ახირება, არამედ იდეა", — აღნიშნა მელიამ.

პრეზიდენტის სასახლეში სამუშაო ვახშმის შემდეგ ქართული ოცნებისა და ოპოზიციის წევრებმა განაცხადეს, რომ თუ მელია გირაოს არ გადაიხდის ან სხვა მექანიზმებით საპატიმროს არ დატოვებს, მას 20 ივნისის საქმეზე ამნისტიის კანონი შეეხება.

ამავე თემაზე: