ფინანსთა სამინისტროს საგამოძიებო სამსახურის ცნობით, საქართველოს სახელმწიფო საბაჟო საზღვარზე, სამართალდამცავებმა დიდი ოდენობით კონტრაბანდული ხიზილალას შემოტანის ფაქტი აღკვეთეს.

გამოძიების ვერსიით, საქართველოს მოქალაქემ, მისი მართვის ქვეშ მყოფი MITSUBISHI PAJERO-ს მარკის ავტომანქანით, რუსეთის ფედერაციიდან საქართველოში, საბაჟო გამშვები პუნქტის, ყაზბეგის გავლით, საბაჟო კონტროლისაგან მალულად, ავტომანქანაში არსებული სამალავებით შემოიტანა დიდი ოდენობით ხიზილალა.

საქმეზე გამოძიება მიმდინარეობს საქართველოს სსკ-ის 214-ე მუხლის პირველი ნაწილით, რაც სასჯელის სახით ითვალისწინებს 3-დან 5 წლამდე თავისუფლების აღკვეთას.