ქართული ოცნებიდან წამოსული დეპუტატები, რომლებიც ექსპრემიერის, გიორგი გახარიას ახალ გუნდში არიან, აცხადებენ, რომ შეთახნმების დოკუმენტს ხელს მოაწერენ. მათი თქმით, ხელმოწერასთან ერთად მნიშვნელოვანია, რომ მხარეებმა აიღონ პასუხისმგებლობა დოკუმენტის პუნქტების შესრულებაზე.

"ეს არ არის იდეალური შეთანხმება ჩვენი ქვეყნისთვის, ეს არის არსებული კრიზისის განმუხტვის და დაძაბულობის შემცირების შესაძლებლობა, რასაც ჩვენ, რა თქმა უნდა, გამოვიყენებთ და ხელს მოვაწერთ დოკუმენტს", — განაცხადა გიორგი ხოჯევანიშვილმა.

ამავდროულად ხოჯევანიშვილმა ქართული ოცნება გააკრიტიკა და განაცხადა, რომ მათმა არათანმიმდევრულმა ქცევებმა გამოიწვია ის, რომ ნიკა მელიას საქმე პოლიტიკური შეთახნმების ნაწილად იქცა და პარტნიორებს ჩართვა მოუწიათ.

"სახელმწიფო ინსტიტუტზე შტურმის ხელმძღვანელობაში ბრალდებული ადამიანის მიმართ კანონის არათანმიმდევრული და არაკომპეტენტური აღსრულებით და პარტიაში შევარდნის გზით, ეს საქმე აქციეს პოლიტიკური შეთახნმების ნაწილად, რითაც შექმნეს ძალადობის პოლიტიკურ ინსტრუმენტად გამოყენების მეტად საშიში პრეცენდენტი", — განაცხადა მან.

ქართულმა ოცნებამ და ოპოზიციის ნაწილმა შეთანხმების დოკუმენტს ხელი მოაწერეს. ცერემონია პრეზიდენტის სასახლეში გაიმართა და მას ონლაინ დაესწრო შარლ მიშელიც.

დოკუმენტს ხელი მოაწერეს შემდეგმა პარტიებმა: ქართული ოცნება, ლელო, სრატეგია აღმაშენებელი, ორივე გირჩი, რესპუბლიკური პარტია. ასევე, ინდივიდუალურად მოაწერეს ხელი ნაციონალური მოძრაობის ერთ-ერთმა ლიდერმა, სალომე სამადაშვილმა და ევროპული საქართველოს ყოფილმა თავმჯდომარემ, დავით ბაქრაძე.

ხელმომწერებს შორის არ არიან ნაციონალური მოძრაობა, ევროპული საქართველო და ლეიბორისტული პარტია.

ამავე თემაზე: