COVID-19 წინააღმდეგ მასობრივი ვაქცინაციის კამპანიის შედეგად, ისრაელმა ღია სივრცეში პირბადის სავალდებულო ტარების შეზღუდვა გააუქმა და სკოლები სრულად გახსნა.

9,3 მილიონი მოსახლეობიდან 54%-მა პროცენტმა უკვე მიიღო Pfizer და BioNTech ვაქცინების ორივე დოზა, რის შედეგადაც კორონავირუსის გავრცელება საკმაოდ შემცირდა.

ისრაელში ქუჩაში პირბადით გადაადგილების შეზღუდვა 1 წლის წინ ამოქმედდა. მიუხედავად იმისა, რომ ეს შეზღუდვა მოხსნეს, მათი დახურულ შენობაში ტარება ისევ სავალდებულოა.

ფოტო: Reuters.com

საბავშვო ბაღებთან ერთად სწავლას სკოლის ის მოსწავლეებიც უბრუნდებიან, რომლებსაც აქამდე ონლაინ გაკვეთილები უტარდებოდათ.

განათლების სამინისტრო მოუწოდებს სკოლას, ზედმიწევნით დაიცვან ჰიგიენის ნორმები, უზრუნველყონ კლასების ვენტილაცია და სოციალური დისტანცია მოსწავლეებს შორის, შესვენებების დროს.

ისრაელი ვაქცინაციას აღმოსავლეთ იერუსალიმში მცხოვრებ პალესტინელებსაც უტარებს.

ფოტო: Reuters.com

5,2-მილიონმა პალესტინელმა ოკუპირებულ დასავლეთ სანაპიროზე და ისლამური ჰამასის მიერ კონტროლირებად ღაზას სექტორში ვაქცინების შეზღუდული მარაგი მიიღო, რომელიც მათ ისრაელმა, რუსეთმა, არაბთა გაერთიანებულმა საემიროებმა, ჩინეთმა და COVAX ვაქცინების გაზიარების გლობალურმა ორგანიზაციამ მიაწოდა.