ანჯელინა ჯოლიმ, რომელიც კამბოჯაში თავისი ახალი ფილმის First They Killed My Father პრემიერაზე ჩავიდა, BBC-სთან ინტერვიუში ბრედ პიტთან დაშორებაზეც ისაუბრა.

ჯოლი ამბობს, რომ ფილმის გადაღება ოჯახისთვის ყველაზე რთულ პერიოდში დაიწყო.

"არ მსურს ამაზე ბევრი ვილაპარაკო. შემიძლია ვთქვა, რომ რთული პერიოდი იყო. ჩვენ ვართ ოჯახი და ყოველთვის დავრჩებით ოჯახად. აუცილებლად გადავიტანთ ამ სიტუაციას და იმედი მაქვს, რომ ამ ყველაფრის წყალობით გაცილებით ძლიერები გავხდებით.", - ამბობს ანჯელინა.

აღსანიშნავია ისიც, რომ კამბოჯაში ჩასულმა მსახიობმა ნამდვილი ფურორი მოახდინა საკუთარი გარეგნობითაც, ის არაჩვეულებრივად გამოიყურებოდა.

ფოტო: Daily

ფოტო: AP

ფოტო: People

ფოტო: People

ფოტო: People

ფოტო: Daily

ფოტო: AP

ფოტო: AP


ანჯელინა ჯოლის ახალი ფილმი კომუნისტურ პარტიას, Khmer Rouge-ს ეხება, რომელმაც კამბოჯაში 1970 წლიდან დღემდე ორ მილიონზე მეტი ადამიანი იმსხვერპლა. სიუჟეტი კამბოჯელი აქტივისტის, ლუნგ ანგის ამავე სახელწოდების მემუარებს ეყრდნობა. ფილმი 2000-ზე მეტ ნამდვილ ისტორიაზეა დაფუძნებული.

აღსანიშნავია ისიც, რომ ენჯი კამბოჯის ხშირი სტუმარია. საქველმოქმედო საქმიანობისა და ახალი ფილმის გარდა, მან უფროსი ვაჟი მედოქსი სწორედ აქ იშვილა.