გაიცანით ქართული სტარტაპი, რომელიც მსურველებს ხელის ორიგინალურად თხოვნაში ეხმარება
ალბათ ბევრჯერ გინახავთ იუთუბზე ხელის თხოვნის ვიდეოები. დღეს უკვე მოულოდნელი ხელის თხოვნა გავრცელებულ ტენდენციად იქცა. ადრე თუ ამისთვის ერთადერთი "გამართლებული გზა" ოჯახში მისვლა და რჩეულის ოჯახის გულის მოგება იყო, დღეს ეს ტრადიცია, ფაქტობრივად, კარგავს ფუნქციას და ისტორიის ნაწილი ხდება.
მიუხედავად ამისა, ეს ფორმალური პრაქტიკა ხშირ შემთხვევაში მეორე ფორმალობით ნაცვლდება: პაემანი, რესტორანი, ბეჭედი... თაობათა ცვლა ალბათ ამაზეც ახდენს გავლენას და, იშვიათად, მაგრამ მაინც გვხვდება მეტი ინსპირაციითა და ორიგინალურობით გამორჩეული ხელის თხოვნები.
სწორედ ამიტომ, სულ ახლახან, ბაზარზე ახალი ქართული სტარტაპი გამოჩნდა, რომელიც მზად არის, ყველა მსურველს შესთავაზოს მათი რჩეულისთვის მოულოდნელად და ორიგინალურად ხელის თხოვნის იდეის მოფიქრება, მისი დაგეგმვა და ორგანიზება.
Proposal.ge მომხმარებლებს ორი სახის მომსახურებას სთავაზობს: მხოლოდ იდეის მოფიქრება, ან იდეასთან ერთად ხელის თხოვნის სრული ორგანიზება. შესაძლებელია უკვე მოფიქრებული ხელის თხოვნის იდეის დახვეწა და განხორციელებაც. რა თქმა უნდა, ამ მომსახურებით სარგებლობა როგორც ბიჭს, ასევე გოგოს შეუძლია.
"ყველაფერი იმით დაიწყო, რომ რამდენიმე მეგობრის ხელის თხოვნის ორგანიზებაში ჩავერთე", — იხსენებს კომპანიის ერთ-ერთი დამფუძნებელი, მირიან კულულაშვილი, — "იმ ფაქტს, რომ მაქვს სხვადასხვა ღონისძიებების ორგანიზებაში დიდი გამოცდილება და თავადაც ვარ ასეთი კომპანიის პარტნიორი, დაემთხვა ისიც, რომ ჩემ გარშემო ბევრ მეგობარს გაუჩნდა სურვილი ორიგინალურად და მოულოდნელად ეთხოვა ხელი თავისი რჩეულისთვის. 4-5 წარმატებული ხელის თხოვნის ორგანიზება დამეხმარა იმაში, რომ ჩემი რჩეულისთვისაც მომეწყო სიურპრიზი. ერთი შეხედვით, შესაძლოა, ეს მარტივ პროცესად ჩანდეს; პირადად მე ამის დაგეგმვა რამდენიმე თვით ადრე დავიწყე, 50-ზე მეტი ადამიანი ისე ჩავრთე, რომ ყველაფერი საიდუმლოდ დარჩენილიყო და, საბოლოოდ, ის მოულოდნელობის ეფექტი და ემოცია მივიღე, რამაც ჩვენთვის განუმეორებელი დღე შექმნა. სწორედ ამის შემდეგ გაგვიჩნდა იდეა, მე და უკვე ჩემს ცოლს, რომ ჩვენი და ჩვენი მეგობრების გამოცდილება და ივენთ მენეჯმენტის რესურსი შეგვეძლო გამოგვეყენებინა ამ მოვლენის პროფესიონალურ მომსახურებად ქცევაში, რაზეც დღეს მოთხოვნა აშკარად იმატებს".
კომპანიაში აცხადებენ, რომ უშუალოდ ხელის თხოვნის დაგეგმვის და განხორციელების პროცესი მეტად საინტერესო და შრომატევადია, რაშიც აუცილებელია, თავად მომხმარებელიც აქტიურად ჩაერთოს, რადგან მხოლოდ მომხმარებლის მიერ მოწოდებული განსაკუთრებული ინფორმაცია ხდის ხელის თხოვნას გამორჩეულს. ამისათვის მომხმარებელმა დეტალურად უნდა შეავსოს წინასწარ შემუშავებული კითხვარი.
"ჩვენ არ გვაქვს წინასწარ გამზადებული პაკეტები ან სცენარები. ხელის თხოვნის იდეასაც ვაგებთ ზუსტად იმ ინფორმაციაზე, რასაც ჩვენი მომხმარებელი გვაწვდის", — აღნიშნავენ კომპანიაში, — "ეს ინფორმაცია შეიძლება იყოს, თუ რა ინტერესები და სურვილები აქვს მის რჩეულს, გამორჩეული მოგონება, ემოცია და სხვა. ამას ემატება სწორად შერჩეული ლოკაცია, ორგანიზებაში ჩართული წყვილის მეგობრები და ახლობლები, განხორციელების გეგმა, მოულოდნელობის ეფექტი, სხვა პატარა ემოციური დეტალები და გეგმაც მზად არის. თუმცა, ჩვენ ვითვალისწინებთ იმასაც, რომ ჩვენს მომხმარებელს, შესაძლოა, საერთოდ არ უნდოდეს ჩვენი გამოჩენა და ლოგიკურიცაა, რადგან ეს დღე მისი დაუვიწყარი და პერსონალური მოგონება უნდა გახდეს, ჩვენ კი, შეიძლება ითქვას, მხოლოდ ტექნიკურ-შემოქმედებითი როლი გვაქვს. აქედან გამომდინარე, ხშირ შემთხვევაში, მომხმარებლის სურვილის გათვალისწინებით, ჩვენი მომსახურება რჩება ანონიმური".
ხელის თხოვნის ახალი და სასიამოვნო ტრადიციის დამკვიდრება თავისთავად კარგი მოვლენაა, მაგრამ რა ხდება იმ შემთხვევაში, თუ წყვილს საჯაროობა არ უნდა, ან თუნდაც უარის მიღების ეშინია?
"ბუნებრივია, ჩვენი მომსახურების ღირებულება სხვისი თვალით დანახული ხელის თხოვნით არ განისაზღვრება და, რა თქმა უნდა, მთავარი მიზანი არამარტო წყვილის ბედნიერება, არამედ იმ ადამიანში ბედნიერი ემოციის გამოწვევაა, ვისაც ხელს სთხოვენ", — ამბობენ კომპანიაში, — "აქედან გამომდინარე, სულაც არ არის აუცილებელი, რომ ხელის თხოვნა იყოს საჯარო; პირიქით, მთავარი აქ მხოლოდ წყვილისთვის ისეთი დაუვიწყარი მოგონების შექმნაა, რომელსაც ვერ იღებენ თუნდაც საკუთარ ქორწილში. შესაძლოა, ზოგისთვის ეს საკამათოა, მაგრამ პრაქტიკიდან გამომდინარე, ქორწილის დაგეგმვისას ხშირად გიწევს ოჯახის, მეგობრების, ტრადიციების და სხვა ისეთი ფაქტორების გათვალისწინება, რაც რეალურად კომპრომისს მოიცავს. რაც შეეხება ხელის თხოვნას, ეს დღე კომპრომისებისგან სრულიად თავისუფალია და მხოლოდ წყვილის პერსონალური დაუვიწყარი მოგონებაა".
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
-
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
-
-
გადახედვამკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს მკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს
-
გადახედვა29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს 29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს
-
-
გადახედვაკობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა კობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა
-
გადახედვა"ობობები" მარსზე — რატომ ჩნდება წითელ პლანეტაზე სეზონური მუქი ლაქები "ობობები" მარსზე — რატომ ჩნდება წითელ პლანეტაზე სეზონური მუქი ლაქები
-
გადახედვაკობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს" კობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს"
-
გადახედვალელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს! ლელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს!
-
გადახედვარუსული კანონის მეორე საკომიტეტო მოსმენა 29 აპრილს დაინიშნა რუსული კანონის მეორე საკომიტეტო მოსმენა 29 აპრილს დაინიშნა
-
გადახედვაალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო ალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო
-
გადახედვაზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო ზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო
-
გადახედვა18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა 18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა
-
გადახედვაემინემის ახალი ალბომი The Death of Slim Shady ზაფხულში გამოვა — ნახეთ ტრეილერი ემინემის ახალი ალბომი The Death of Slim Shady ზაფხულში გამოვა — ნახეთ ტრეილერი
კომენტარები