საქართველოს იურისტთა ასოციაციის განცხადებით, ზუგდიდში კორცხელის საარჩევნო უბანზე, სადაც ცოტა ხნის წინ ნაცმოძრაობის ლიდერები ცემეს ამ ეტაპზე პოლიცია არასაკმარისი რაოდენობით იმყოფება:

"დაპირისპირებაში დაახლოებით რამდენიმე ათეული ადამიანი მონაწილეობდა, რა დროსაც ფიზიკური დაზიანება მიიღეს ნაციონალური მოძრაობის წარმომადგენლებმა. ასევე, ფიზიკური შეურაცხყოფა მიაყენეს მედია საშუალების წარმომადგენლებს".

საიას თქმით, 53-ე და 54-ე უბნის მიმდებარე ტერიტორიაზე სხვადასხვა პარტიების მხარდამჭერები და წარმომადგენლები დილიდან იყვნენ მობილიზებულნი.

"მსგავსი ფაქტები უარყოფით ზეგავლენას ახდენს კონკურენტულ და თანასწორ საარჩევნო გარემოზე" - აცხადებს საია.

საქართველოს ახალგაზრდა იურისტთა ასოციაცია პოლიტიკურ პარტიებს და მათ მხარდამჭერებს მოუწოდებს მშვიდ რეჟიმში დაელოდონ შედაგების შეჯამებას. სამართალდამცავებისგან კი დროულად რეაგირებას მოითხოვს:

"მოვუწოდებთ სამართალდამცავ ორგანოებს:

  • დროულად გამოიძიონ ზემოაღნიშნული ფაქტი და გაატარონ კანონით გათვალისწინებული ზომები;
  • გაატარონ პრევენციული ღონისძიებები, ხოლო სამართალდარღვევის ან/და დანაშაულის ნიშნების არსებობის შემთხვევაში მოახდინონ დროული რეაგირება და შესაბამისი პირების მიმართ პასუხისმგებლობის ზომების გამოყენება;
  • უზრუნველყონ საზოგადოებრივი წესრიგის დაცვა და კენჭისყრის პროცედურების მშვიდ ვითარებაში წარმართვა".

საია თავისი დამკვირვებლის მიერ მიღებულ ვიდეომასალასაც ავრცელებს: