თუ ამ სტატიის წასაკითხად გადმოხვედი, ესე იგი, მოუთმენლად ელოდები ელიტის გაგრძელებას და აი, ახლა უკვე ზუსტად იცი, როდის დასრულდება ეს მოლოდინი.

ამ ესპანურენოვანი თინეიჯერული სერიალის მეოთხე სეზონის პრემიერის თარიღი ნეტფლიქსმა ახალი თიზერით დააანონსა, სადაც ნაცნობ პერსონაჟებთან ერთად ახალ სახეებსაც მოჰკრავთ თვალს:

ელიტა სტრიმინგ სერვის ნეტფლიქსის ერთ-ერთი ყველაზე პოპულარული სერიალია, რომელმაც მთელ მსოფლიოში მილიონობით მაყურებელი მიიზიდა. მისი სიუჟეტი ესპანეთის მდიდრულ სკოლაში ვითარდება და თინეიჯერების ყოველდღიური ცხოვრების შესახებ მოგვითხრობს.

სულ ცოტა ხნის წინ გავრცელებულ ვიდეოში ჩანს, რომ ახალ სეზონში კვლავ ვიხილავთ სამუელს, გუზმანს, ომარს, რებეკასა და სხვა კარგად ნაცნობ სახეებს. სამწუხაროდ, მესამე სეზონის შემდეგ მაყურებელს დამშვიდობება მოუწევს ლუს, ნადიას და კარლას გმირებთან.

სანაცვლოდ მეოთხე სეზონში, რომელიც 18 ივნისს გამოვა, გამოჩნდებიან ახალი პერსონაჟები: სკოლის ახალი დირექტორი დიეგო მარტინი და მისი ორი შვილი. შესაბამისად, სახალისო, დაძაბული, ჩახლართული და ემოციური თავგადასავლები ჯერ არ დასრულებულა და ახალი ინტრიგები წინ გველოდება.

ფოტო: Netflix

ასევე იხილეთ: