ჯანდაცვის მინისტრის, ეკატერინე ტიკარაძის განცხადებით, კორონავირუსის წინააღმდეგ ვაქცინაციის პროგრამაში ჩართვას 55 წლის ზემოთ პირებიც შეძლებენ. ამის შესახებ მან ვაქცინაციის საბჭოს სხდომის შემდეგ განაცხადა, თუმცა არ დაუზუსტებია როდიდან შეძლებენ პორტალზე რეგისტრაციას.

"ეს გამოწვეულია იქიდან, რომ დავაკვირდით, რამდენად დიდია ინტერესი და რამდენად კარგია აქტივობა ჩვენს მოქალაქეებში, რომლებიც არიან 65 წელს ზემოთ და იყო საკმაოდ დიდი მოთხოვნა სწორედ იმ ჯგუფს შორის, რომელიც 55-დან 65 წელს მოიცავდა", — განაცხადა ტიკარაძემ.

ჯანდაცვის მინისტრმა, ასევე, აღნიშნა, რომ ვაქცინაზე ხელმისაწვდომობა დიალიზის პროგრამაში ჩართულ პაციენტებსაც ექნებათ. ამასთან, ვაქცინაციის პროცესში ორგანოგადანერგილებიც ჩაერთვებიან.

კორონავირუსის წინააღმდეგ ვაქცინაცია საქართველოში 15 მარტს დაიწყო. აცრისთვის დარეგისტრირება შესაძლებელია ვბეგვერდზე: booking.moh.gov.ge.