ქართული ოცნების დეპუტატის, შალვა პაპუაშვილის თქმით, ქართული ოცნება ყველაზე ქართული და ამიტომ, ყველაზე ევროპული პარტიაა.

"მადლობა კოლეგებს ნდობისთვის. შვიდი თვეა რაც ქართულ ოცნებას შემოვუერთდი. დაძაბული შვიდი თვე. ყველა კრიტიკული გადაწყვეტილების დამსწრე, მოწმე და მონაწილე. ამ შვიდმა თვემ დამარწმუნა, რომ ქართული ოცნება დღევანდელ პოლიტიკურ ლანდშაფტში, ერთადერთი პარტიაა, რომელიც ყოველთვის სახელმწიფოებრივად ფიქრობს, ქართული ოცნება ყველაზე ქართული და, ამიტომ, ყველაზე ევროპული პარტიაა. ჩვენ გავიმარჯვეთ ოქტომბერში და ჩვენ ისევ გავიმარჯვებთ ოქტომბერში", — წერს პაპუაშვილი ფეისბუქგვერდზე.

შალვა პაპუაშვილი დღეს, 27 მარტს გამართულ პოლიტსაბჭოს სხდომაზე საზოგადოებასთან ურთიერთობის მდივნად აირჩიეს.