სენატორ ჯინ შაჰინის განცხადებით, დღეს საქართველოში კრიტიკული სიტუაციაა. სენატის საგარეო კომიტეტის სხდომაზე განაცხადა, რომ ყოველი დღე, როდესაც ოპოზიციონერები ციხეში არიან და პარლამენტში სავარძლები ცარიელია, რუსეთი იმარჯვებს.

"მიუხედავად იმისა, რომ ეუთო-მ 2020 წლის არჩევნები კომპეტენტურად და კოვიდპანდემიის მიერ შექმნილი გამოწვევების მიუხედავად, ეფექტურად ჩატარებულად ცნო, ხაზგასმულია საარჩევნო რეფორმის აუცილებლობა.

ყოველი დღე, როდესაც ოპოზიციონერები არიან ციხეში, არის გამარჯვება რუსეთისთვის, ყოველი დღე, როცა პარლამენტში სავარძლები ცარიელია, იმარჯვებს რუსეთი. ამიტომ გაოცებული და იმედგაცრუებული ვარ, რომ ყველა პარტიამ კრიზისის ამდენი ხნით გაგრძელება დაუშვა. დღეს მე ყველა მხარეს ვიწრო პოლიტიკური ინტერესების გვერდზე გადადებისკენ მოვუწოდებ", — განაცხადა ჯინ შაჰინმა.

23 მარტს სენატის საგარეო კომიტეტის სხდომაზე საქართველოში დემოკრატიის მდგომარეობის შესახებ მოსმენა მიმდინარეობს.