ჯანდაცვის მინისტრი, ეკატერინე ტიკარაძე აცხადებს, რომ საკმაოდ მაღალია რისკი, გაიზარდოს ინფექციის მაჩვენებელი.

"ჩვენი მოქალაქეები ნაკლებად იყენებენ პირბადეს და სოციალური დისტანცირება აღარ არის იმდენად მნიშვნელოვანი საზოგადოებაში. დღესდღეობით ჩვენ გვაქვს საკმაოდ მაღალი რისკი იმის, რომ ინფექციის მაჩვენებელი გაიზრდება", — განაცხადა ტიკარაძემ.

ჯანდაცვის მინისტრი ამბობს, რომ დაგვავიწყდა ის მდგომარეობა, რაც გვქონდა გასული წლის ბოლო თვეებში.

"მნიშვნელოვანი არის, რა თქმა უნდა, გავითვალისწინოთ ის ეპიდემიოლოგიური მდგომარეობა, რომელიც დღეს ქვეყანაშია. ჩვენდა სამწუხაროდ, ჩვენ ხშირად გვგონია, რომ ეს მონაპოვარი არ იყო დიდი შრომის ფასად და დაგვავიწყდა ის გამოვლილი პერიოდი, რომელიც გვქონდა ოქტომბერში, ნოემბერში და დეკემბერში", — განაცხადა ეკატერინე ტიკარაძემ.

კორონავირუსის პანდემიის გამო დაწესებული შეზღუდვების დიდი ნაწილი, რომელიც თვეების განმავლობაში არსებობდა, შემსუბუქებულია. 15 მარტიდან ქვეყანაში ვაქცინაციის პროცესიც დაიწყო.

გაიგეთ მეტი: