რუსი ჯარისკაცის ფოტოს გამოქვეყნების შემდეგ თავდაცვის მინისტრის მოადგილე, დავით სუჯაშვილი ამბობს, რომ სუჯაშვილის თქმითვე, დროებით თავის ფეისბუქგვერდს აჩერებს, რადგან "საზოგადოება ერთმანეთს ძალიან დაუპირისპირდა". ამის შესახებ მან ფორმულას განუცხადა.

სუჯაშვილი ამბობს, რომ ფოტოს გამოქვეყნება სამწუხაროა, რადგან ამან საზოგადოების დაპისირპირება გამოიწვია.

"რატომ არის ჩემთვის პირადად სამწუხრაო, რომ კვლავ მოხდა საზოგადოების გახლეჩა ამ თემასთან დაკავშირებით. კვლავ ჩვენი საზოგადოება ერთმანეთს დაუპირისპირდა და ამაზე ძალიან ვწუხვარ", — აღნიშნავს სუჯაშვილი.

21 მარტს თავდაცვის მინისტრის მოადგილემ ქართველ მესაზღვრეებს პროფესიული დღე რუსი სამხედროს ფოტოთი მიულოცა. დავით სუჯაშვილი აცხადებს, რომ მის ფეისბუქგვერდზე გამოქვეყნებული რუსი სამხედროს ფოტო ადმინისრატორის მიერ დაშვებული შეცდომაა. თუმცა, სუჯაშვილი აღნიშნავს, რომ მისი სახელით გამოქვეყნებულ მასალაზე პასუხისმგებელი თავადაა და საზოგადოებას ბოდიშს უხდის.

ამასთან, მითების დეტექტორმა გაარკვია, რომ ფოტო, რომლითაც თავდაცვის მინისტრის მოადგილემ მესაზღვრეებს პროფესიული დღე მიულოცა, ოკუპირებული ცხინვალიდანაა.