თელავის რაიონულმა სასამართლომ 14 წლის გოგოსთან სექსუალური კავშირისთვის ბრალდებულ კაცს 15 ათასი ლარის ოდენობის გირაო შეუფარდა. პროკურატურა გადაწყვეტილებას ასაჩივრებს

გამოძიების თანახმად, 2020 წლის ოქტომბერში ბრალდებულმა წინასწარი შეცნობით 14 წლის არასრულწლოვან გოგონასთან სექსუალური კავშირი რამდენჯერმე დაამყარა. ამასთან, პროკურატურაში აცხადებენ, რომ არასრულწლოვან დაზე ძალადობდა ძმა, რომელიც სისტემატიურად აყენებდა ფიზიკურ და სიტყვიერ შეურაცხყოფას, რადგან დაზარალებული ხვდებოდა მასზე ბევრად უფროს და დაოჯახებულ კაცს.

პროკურატურამ ორივე ბრალდებულისთვის აღკვეთის ღონისძიების სახით პატიმრობა მოითხოვა, ხოლო მოსამართლემ დაკავებულ ძმას პატიმრობა, ხოლო სქესობრივ კავშირში ბრალდებულ კაცს გირაო შეუფარდა.