Bridgerton-ის მეორე სეზონის გადაღებები უკვე დაწყებულია. ამის შესახებ ინფორმაცია ლუკ ნიუტონმა გაავრცელა. ის სერიალში კოლინ ბრიჯერტონის როლს ასრულებს. მსახიობმა ინსტაგრამზე ფოტოები გამოაქვეყნა, რომელზეც ნეტფლიქსის შოუს გადასაღებ მოედანს და სერიალის სხვა მსახიობებსაც ვხედავთ.

სერიალის მეორე სეზონი ჯულია ქვინის ნაწარმოებების ციკლის მეორე წიგნის — ვისკონტი, რომელსაც ვუყვარდი მიხედვით იქნება და ენტონი ბრიჯერტონის სიყვარულის ძიებაზე მოგვიყვება.

Bridgerton-ში ახალ პერსონაჟსაც ვიხილავთ, რომელიც ენტონის შეუყვარდება. ახალი პერსონაჟის, ქეით შარმას როლს სიმონ ეშლი განასახიერებს. აღწერის მიხედვით შარმა "გონებამახვილი, ჭკვიანი ქალია, რომელიც სისულელეებს არად აგდებს, მათ შორის არც ენტონი ბრიჯერტონს".

შოუს მეორე სეზონი ჯერ კიდევ იანვარში დაანონსდა. გადაღებების დაწყება კი იმის მანიშნებელია, რომ ახალ სასიყვარულო თავგადასავალს მალე ვიხილავთ. სერიალის გამოსვლის თარიღი ჯერ-ჯერობით უცნობია.

12 ფაქტი Bridgerton-ის შესახებ, რაც ხელახლა ყურებას მოგანდომებს