ყაზტრანსგაზ-თბილისის ინფორმაციით, რომელიც დედაქალაქს ბუნებრივი აირით ამარაგებს, დღეს დილით, 13 თებერვალს, 09:30-სა და 11:00 საათზე გაზმომარაგება ავარიულად შეუწყდა ვაკის რაიონის რამდენიმე ქუჩას.

09:30-დან გაზმომარაგება ავარიულად შეუწყდა ვაკის რაიონში, წყნეთის ხევის ტერიტორიაზე არსებული კერძო სექტორის მოსახლეობის ნაწილს.

დილის 11 საათიდან გაზი არ მიეწოდება მცხეთის ქუჩის #41, #43, #45, #47, #48 და #50-ში მდებარე საცხოვრებელი კორპუსებისა და კერძო სექტორის მოსახლეობას.

კომპანიის ინფორმაციით, გაზის მიწოდება აღდგება 16:00 საათიდან ეტაპობრივად სამუშაოების დასრულებისთანავე.

შპს ყაზტრანსგაზ-თბილისი აბონენტებს მოუწოდებს, არ დატოვონ უყურადღებოდ გაზის დანადგარები, ხოლო ონკანები ჰქონდეთ დაკეტილ მდგომარეობაში.

"მოქალაქეების მიერ უსაფრთხოების წესების შეუსრულებლობით გამოწვეულ შედეგებზე შპს ყაზტრანსგაზ-თბილისი პასუხისმგებელი არ არის" - აცხადებს კომპანია.