ოსკარის მფლობელი რეჟისორი ძმები 1983 წელს შექმნილი ბრაიან დე პალმას ნაიარევი სახის რიმექის გადაიღებენ, რაც იმას ნიშნავს, რომ ახალი ტონი მონტანა იარსებებს. იმ ბიჭებს კი, რომელთაც ფეისბუქზე პროფილის სურათად ალ პაჩინოს პერსონაჟი აქვთ დაყენებული, ალტერნატივა გაუჩნდებათ.

ფილმის პირველი ვერსია 1932 წელს გამოვიდა. პოლ მუნი იტალიელ იმიგრანტს თამაშობდა, რომელიც გავლენიან ჩიკაგოელ განგსტერად იქცა. 1983 წელს კი ბრაიან დე პალმას ნაიარევმა სახემ დიდი ფურორი მოახდინა.

ფილმის გადაღების იდეა რამდენიმე წლის წინ გაჩნდა, მისი რეჟისორი ანტუან ფუკუა უნდა ყოფილიყო, თუმცა საბოლოოდ არჩევანი ძმებ კოენებზე შეჩერდა.

ჯერ უცნობია, ვინ გახდება ახალი ტონი მონტანა, თუმცა სავარაუდო კანდიდატებად კრისტიან ბეილი, ხავიერ ბარდემი და ბენისიო დელ ტორო განიხილებიან.

ახალი ნაიარევი სახე ეკრანზე 2018 წლის აგვისტოში გამოვა.