რესტორატორთა ასოციაციის დამფუძნებლის, შოთა ბურჯანაძის თქმით, თუ 2 თვეში ისევ დადგა საკითხი რომელიმე კონკრეტული სფეროს დახურვასთან დაკავშირებით, ვინაიდან ვაქცინაცია არ იყო დაწყებული, ის სფერო უბრალოდ აღარ იარსებებს.

"ეკონომიკის ამუშავება არ ნიშნავს, რომ უბრალოდ რაღაც გახსნა და ამით დავამთავროთ. ეკონომიკის ამუშავება ნიშნავს სრულყოფილ ამუშავებას. თუ სახელმწიფო ამ ნაბიჯს არ გადადგამს გამყრელიძის უაზრო, უპასუხისმგებლო მოსმენას აზრი არ აქვს. მისი და ჯანდაცვის სამინისტროს პასუხისმგებლობა არის რესტორანი გახსნას თუ დახუროს იმაზე საუბარი კი არა, ვაქცინა ჩამოიტანოს, რომ ჩვენ ყველას შესაძლებლობა გვქონდეს ჯანმრთელად ვიცხოვროთ და შესაძლებლობა გვქონდეს ვიფუნქციონიროთ, თორემ 2 თვის შემდეგ ისევ თუ დადგა რომელიმე სფეროს დახურვის საკითხი, იმიტომ, რომ ვაქცინაცია დაწყებული არაა, დარწმუნებული იყავით, ის სფერო უბრალოდ აღარ იარსებებს", — აცხადებს შოთა ბურჯანაძე.

საკოორდინაციო საბჭოს გადაწყვეტილებით, რესტორნები შიდა სივრცეების ამუშავებას 8 მარტიდან შეძლებენ. გამონაკლისი იყო ბათუმი, სადაც ეს შეზღუდვა 1-ლი მარტიდან მოიხსნა.

რეგულაციის შემსუბუქება მხოლოდ სამუშაო დღეებზე ვრცელდება — შაბათ-კვირის შეზღუდვა ძალაში რჩება.