გურამ კაშია თბილისის ლოკომოტივში ითამაშებს. ამის შესახებ საფეხბურთო კლუბმა ფეისბუქზე განცხადება გაავრცელა.

"გურამ კაშიამ ლოკომოტივთან 1-წლიანი კონტრაქტი გააფორმა და კლუბის ღირსებას 4-ნომრიანი მაისურით დაიცავს", — ნათქვამია განცხადებაში.

აღნიშნულს კაშიაც გამოეხმაურა. მისი თქმით, იგი ლოკომოტივში "თავს ძალიან კარგად" გრძნობს. მან იმედი გამოთქვა, რომ გუნდის წარმატებაში წვლილს შეიტანს და აღნიშნა, რომ ახლა გუნდის სრულფასოვანი წევრია.