ქართული ოცნების დეპუტატი, შალვა პაპუაშვილი პარლამენტთა ოპოზიციის მხრიდან პარლამენტის პიკეტირების აქციაზე ამბობს, რომ გუშინდელი ჰალსტუხიანი და მოლაპარაკებებისთვის სიტყვით მზაობის შემდეგ, ოპოზიცია საკანონმდებლო ორგანოსთან საყვირებითა და რუსეთების ძახილით მოვიდა.

"გუშინდელი ჰალსტუხიანი შეხვედრის და მოლაპარაკებებისთვის სიტყვით მუდამ მზაობის შემდეგ, ჩვენმა ოპოზიციამ გადაწყვიტა პარლამენტთან დიალოგზე მოსვლა... ...საყვირებით. რუსეთების ძახილით", — წერს პაპუაშვილი ფეისბუქზე.

საკანონმდებლო ორგანოსთან ოპოზიცია აქტივისტებთან ერთად პიკეტირების აქციას დილიდან აწყობს. ამ დროისათვის ადმინისტრაციულ სამართალდარღვევათა კოდექსის 173-ე მუხლით 7 ადამიანია დაკავებული, რაც პოლიციის მიმართ დაუმორჩუილებლობას გულისხმობს.

26 თებერვალს გამართულ აქციაზე ხატია დეკანოიძემ განაცხადა, რომ 2 მარტს პარლამენტის შენობის, ხოლო 5 მარტს მთავრობის ადმინისტრაციის შენობის პიკეტირება იგეგმება.

ოპოზიციის მიერ წარდგენილი გეგმის მიხედვით, 9 მარტს აქცია შინაგან საქმეთა სამინისტროსთან იგეგმება, 11 მარტს სასამართლოსთან, 13 მარტს კი პარლამენტთან.

ოპოზიციის საპროტესტო აქციები მას შემდეგ განახლდა, რაც ნაციონალური მოძრაობის ოფისში სპეცოპერაცია ჩაატარეს და ნიკა მელია დააკავეს. აღნიშნულ კრიტიკა და შეშფოთება მოჰყვა როგორც ქვეყნის შიგნით, ისე მის ფარგლებს გარეთ.