2017 წელი ახლახან დაიწყო, მაგრამ უკვე უამრავი საინტერესო პროექტის მომსწრე გავხდით. დაუღალავად მუშაობენ დიზაინერებიც, რომლებმაც უკვე შეძლეს და ერთ თვეში საინტერესო ნამუშევრები შემოგვთავაზეს.

გთავაზობთ ამ დროისთვის შექმნილ ყველაზე საინტერესო პროდუქტებს ან პროტოტიპებს.

ბოინგის თვითმართული ავტომობილი

ფოტო: YD

თუ ოდესმე თვითმფრინავით გიმგზავრიათ და მით უმეტეს ეკონომკლასით, ალბათ შურით შეგივლიათ თვალი ბიზნესკლასის სავარძლებისთვის, რომლებიც სტანდარტულ დასაჯდომ ადგილებთან შედარებით სამეფო ტახტებს ჰგავს. თუ აეროპორტში რამდენიმესაათიანი გადაჯდომა გიწევთ, შეიძლება ლაუნჯში შესვლაც მოგინდეთ, მაგრამ უცებ აღმოაჩინოთ, რომ იქ მარტო განსაკუთრებულ მგზავრებს უშვებენ. ახლა ამ ყველაფერს ფუფუნების კიდევ ერთი საგანი ემატება - ბოინგის თვითმართული ავტომობილი, რომელიც ბიზნესკლასის მგზავრებს მოემსახურება. ამაზე მეტი კომფორტი როგორღა უნდა შექმნა?!

ჭკვიანი სარკე

ფოტო: YD

ჯუნო უფრო მეტია, ვიდრე ჭკვიანი სარკე. ის საშუალებას აძლევს მომხმარებელს, ბუნებრივ განათებასთან მიახლოებულ პირობებში გაიკეთოს მაკიაჟი. ქალების უმრავლესობა მაკიაჟს არასწორი განათების პირობებში იკეთებს, ხარვეზები კი მხოლოდ მზის შუქზე გასვლის დროს ჩანს.

დრონი ლინუსი

ფოტო: YD

დრონი ლინუსი არის დრონი, რომელიც შექმნილია ღია სივრცეში მწვანე საფარის მონიტორინგისათვის და ამოწმებს, რამდენად კარგად არის მორწყული ან რამდენად ჯანსაღია მცენარე. ის სივრცეში მოქნილად გადაადგილდება. როგორც ჩანს, მომავალში მებაღეებს რობოტებიც დაეხმარებიან. სად იყვნენ ეს დრონები 2012 წლამდე? სავარაუდოდ, ინჟინრების ტვინებში.

მობილური სარეცხი მანქანა

ფოტო: YD

სვოში მოწყობილობაა, რომელიც ყველა ტიპის სათლზე შეიძლება მიამაგრო და ჩვეულებრივი საოჯახო ნივთი სარეცხ მანქანად გადაიქცევა. მას აქვს მოძრავი ძრავა და სპეციალური შიდა კონტეინერი, რომელშიც თქვენი ტანსაცმელი ან სხვა სარეცხი თავსდება. ეს მოწყობილობა სახლისთვისაც კარგია და მოგზაურობისთვისაც, განსაკუთრებით, ლაშქრობების მოყვარულებს გამოადგებათ.

ლოჰასის საწოლი

ფოტო: YD

არსებული ტრადიციული ჰოსპიტალური საწოლებიდან პაციენტების ეტლში გადასაყვანად მინიმუმ სამი ადამიანია საჭირო. ლოჰასის საწოლი კი მხოლოდ ერთი ადამიანის დახმარებას ითხოვს. აწევა საჭირო არაა, რადგან საწოლი მარტივად გარდაიქმნება ეტლად. ამ ტექნიკის დახმარებით მწოლიარე ადამიანის გადაადგილება უფრო ადვილია, რაც მეტ სუფთა ჰაერსა და მეტ მზის შუქს ნიშნავს მათთვის, ვისაც გამოჯანმრთელება სჭირდება.

გეომეტრიული საათი

ფოტო: YD

ეს საათი მათთვისაა, ვისაც უნდა ჰქონდეს მინიმალისტური, თუმცა თვალისმომჭრელი საათი. იგი გლუვია, თუმცა დეტალიზებული. თავის თავში მოიცავს სრულყოფილების ყველა კომპონენტს. მისი დიზაინზე იმუშავეს მათემატიკოსებმა, არქიტექტორებმა და ინჟინრებმა.

ყველაზე პრაქტიკული კალენდარი

ფოტო: YD

წარმოუდგენლად დიდი, ჯადოსნური, განახლებადი, მრავალჯერადი გამოყენების კალენდარი. სამაგიდო ინსტრუმენტი სტუდენტებისთვის, მეწარმეებისთვის და შემოქმედი ადამიანებისთვის.