საქართველოს საგარეო საქმეთა მინისტრი, დავით ზალკალიანი, დიპლომატიური კორპუსის წარმომადგენლებს შეხვდა და მათთან მიმდინარე პოლიტიკური პროცესებიდან გამოსვლის გზებზე ისაუბრა.

შეხვედრას ესწრებოდა აშშ-ს ელჩი საქართველოში, კელი დეგნანი.

როგორც საგარეო საქმეთა სამინისტროს მიერ გავრცელებულ განცხადებაში ვკითხულობთ, შეხვედრაზე ხაზი გაესვა პროცესების კონსტრუქციულ რეჟიმში გაგრძელების მნიშვნელობას.

მსგავსი ტიპის შეხვედრა გამართე დღეს საქართველოს პრეზიდენტმა, სალომე ზურაბიშვილმაც.

ნიკა მელიას დაკავებას საქართველოს მეგობარ ქვეყნებსა თუ პარტნიორ ორგანიზაციებში კრიტიკული შეფასებები მოჰყვა. აშშ-ის პოზიცია საქართველოში ქვეყნის საელჩომ გამოხატა და თქვა, რომ ევროატლანტიკურ სახელმწიფოთა ოჯახში უფრო ძლიერი დემოკრატიისკენ მიმავალ გზაზე უკან დაიხია. შეშფოთება გამოთქვა ამერიკელმა კონგრესმენმა, საქართველოს მეგობართა ჯგუფის თანათავმჯდომარე ადამ კინზინგერმაც და მომხდარს დარბევა უწოდა. ევროკავშირის ელჩის, კარლ ჰარცელის განცხადებით კი, ქვეყანაში არსებულ ვითარებაზე პასუხისმგებლობა ყველა მხარემ უნდა აიღოს. მისი თქმით, საქართველოში პოლიტიკური კრიზისი ღრმავდება. ევროპარლამენტარ მარკეტა გრეგოროვას განცხადებით კი, ნაციონალური მოძრაობის თავმჯდომარე, ნიკა მელიას დაპატიმრება დემოკრატიის უკუსვლის აისბერგის მხოლოდ წვერია.

გაიგეთ მეტი: