საპარლამენტო უმრავლესობის ლიდერმა, დიმიტრი ხუნდაძემ, ჟურნალისტის კითხვას, რა შემხვედრ ნაბიჯს გადადგამს ქართული ოცნება ოპოზიციის მიერ 25 თებერვალს დაანონსებული აქციის გადადების საპასუხოდ, კითხვითვე უპასუხა — "რატომ გადადეს [აქცია], ხალხი ვერ შეკრიბეს?"

კითხვაზე, მზად არიან თუ არა დიალოგისთვის, ხუნდაძემ უპასუხა, რომ დიახ, თუმცა არა კრიმინალებთან.

"დიალოგზე არასოდეს უარი არ გვითქვამს, მაგრამ, არა კრიმინალებთან [...] კანონს ყველა უნდა დაემორჩილოს, არა მხოლოდ ნიკანორ მელია. ყველა უნდა დაემორჩილოს კანონს", — განაცხადა დიმიტრი ხუნდაძემ.

გუშინ, 21 თებერვალს ცნობილი გახდა, რომ ოპოზიციამ 25 თებერვალს დაანონსებული აქციის გადადების გადაწყვეტილება მიიღო. ნაციონალური მოძრაობის ერთ-ერთმა ლიდერმა, ხატია დეკანოიძემ განაცხადა, რომ მოლაპარაკებების შეთავაზების პარალელურად მზად არიან კიდევ მისცენ ვადა ხელისუფლებას და შესაძლო კომპრომისის მოლოდინში აქცია გადადონ.

გაიგეთ მეტი: