რუს ტელეწამყვანსა და პუტინის ხელისუფლების პროპაგანდისტ ტელეჟურნალისტს, ვლადიმერ სოლოვიოვს ლატვიაში შესვლა აეკრძალა. გადაწყვეტილება სოლოვიოვის ბოლოდროინდელ განცხადებას უკავშირდება, სადაც მან ადოლფ ჰიტლერს "მამაცი ადამიანი" უწოდა.

"ლატვიისთვის ნებისმიერი ფორმით ნაციზმის განდიდება მიუღებელია", — განაცხადა საგარეო საქმეთა მინისტრმა, ედგარ რინკევიჩმა.

ვლადიმერ სოლოვიოვის თქმით, აკრძალვის გამო სარჩელის შეტანაზე ადვოკატს გაესაუბრება.

რამდენიმე დღის წინ როსია 1-ის ეთერში ვლადიმერ სოლოვივოვმა განაცხადა, რომ ნაცისტი ადოლფ ჰიტლერი "მამაცი ადამიანი იყო", რადგან არმიას არ გაურბოდა და პირველ მსოფლიო ომში "ვაჟკაცურად იბრძოდა". გარდა ამისა, სოლოვიომა ნაცისტური გერმანიის ლიდერი ოპოზიციონერ ალექსეი ნავალნის დაუპირისპირა და ერთგვარად მიანიშნა, რომ ამ უკანასკნელს ჯარში მსახურობის ეშინოდა.

მოგვიანებით სოლოვიოვი ცდილობდა თავისი სიტყვები განემარტა. როგორც ტელეწამყვანი ამტკიცებს, ის ამბობდა, რომ ჰიტლერი სიმამაცე მას არ ამართლებს, ხოლო ნაციზმის განდიდება მის სიტყვებში არ ყოფილა.