საქართველოს აგრარული უნივერსიტეტის ვეტერინარული კლინიკა ასაკოვანი ლაბრადორის ვიდეოს აქვეყნებს, რომელიც ნარკოზში მყოფ მეგობარზე დარდობს. ცუგა ნაოპერაციებ ძაღლს წკმუტუნით დასტრიალებს თავს, თათითა და დრუნჩით "აფხიზლებს" და მის გაღვიძებას ცდილობს.

ეს მზრუნველი ლაბრადორი თავადაც პაციენტია და კლინიკაში ქუჩიდან მოხვდა. მას სარძევე ჯირკვალზე 2,5 კილოგრამიანი სიმსივნე ჰქონდა, რომელიც ვეტექიმებმა ამოკვეთეს.

"ქუჩაში დიდი ალბათობით იმის გამო აღმოჩნდა, რომ ჰქონდა 2,5-კილოიანი სიმსივნე სარძევე ჯირკვალზე. მიუხედავად ასეთი ღალატის ყველაზე თბილი ძაღლია. სანამ თვითონ გადის რეაბილიტაციას, ეხმარება სხვა პაციენტებს ნარკოზიდან გამოსვლაში", — ვკითხულობთ კლინიკის გვერდზე.

საქართველოს აგრარული უნივერსიტეტის ვეტერინარული კლინიკის გვერდზე ვკითხულობთ, რომ გულთბილ ლაბრადორს ოპერაციის შემდეგ მეტასტაზები ისევ დარჩა. იმედია კეთილი ცუგა რეაბილიტაციას სწრაფად გაივლის.