გირჩი — მეტი თავისუფლებას ლიდერმა, ზურაბ ჯაფარიძემ, მანდატების არშეჩერებასთან დაკავშირებით პარლამენტის მიერ მიღებული გადაწყვეტილება საკონსტიტუციო სასამართლოში გაასაჩივრა.

2-2,5 თვე იქნება, რაც განცხადება დავწერე და ვითხოვდი მანდატის გაუქმებას. ცოტა ხნის წინ საქართველოს პარლამენტმა მიიღო დადგენილება და უარი მითხრა მანდატის გაუქმებაზე. ამ დადგენილებას ვასაჩივრებთ, ეს არის არაკონსტიტუციური გადაწყვეტილება. საქართველოს პარლამენტი წავიდა კონსტიტუციის წინააღმდეგ. [...] ეს ყველაფერი არის არაკონსტიტუციური. რომ დაფიქრდეთ, არის ჩვეულებრივი სიგიჟე. ადამიანს ავალდებულებს პარლამენტი, გინდა, თუ არა, აქ უნდა იმუშავოო", — ამბობს ჯაფარიძე.

საპარლამენტო უმრავლესობამ 2 თებერვალს გადაწყვიტა, რომ ოპოზიციის მანდატებზე კენჭისყრა გადაიდება.

წინა დღით, ქართული ოცნების პოლიტსაბჭოს სხდომის შემდეგ, პარტიის აღმასრულებელმა მდივანმა, მამუკა მდინარაძემ განაცხადა, რომ ოპოზიციონერი დეპუტატების მანდატებთან დაკავშირებით "მყარად და მკაფიოდ" ჩამოაყალიბეს პოზიცია, რომელსაც მხოლოდ მას შემდეგ გაახმოვანებენ, რაც საპარლამენტო უმრავლესობის წევრები ამ გადაწყვეტილებას დაადასტურებენ, ან უარყოფენ.

აღსანიშნია, რომ პარლამენტის თავმჯდომარემ, არჩილ თალაკვაძემ 30 იანვარს განაცხადა, რომ ოპოზიციისთვის მანდატების შეწყვეტაზე კენჭისყრა ვერ და არ გადაიდება. მისი თქმით, სურვილი აქვთ, პარლამენტი ისე იყოს წარმოდგენილი, როგორც საზოგადოებამ აირჩია, მაგრამ უკვე 3 თვე გავიდა, იყო არაერთი მოლაპარაკება და ოპოზიციას შესვლის სურვილი არ აქვს.