პარლამენტში ქართული ოცნების დეპუტატის, ნინო წილოსანის განცხადებით, 20 ივნისის აქციის დაშლისას დაზარალებულ მაკო გომურზე სახელმწიფო ზრუნავს, რაც მისი ფეისბუქპოსტიდანაც იკითხება.

"მთელი ამ პერიოდის მანძილზე თავად პოსტიდან იკითხება, რომ ყველაფერი უტარდებოდა იმისთვის, რომ მაქსიმალურად შეგვემსუბუქებინა ის ტვირთი, რომელიც მას ჰქონდა 20 ივნისის შემდგომ და დარწმუნებული ვარ, შესაბამისი სამინისტრო გააკეთებს სათანადო რეაგირებას. აქედან გამომდინარე ჩვენც, რა თქმა უნდა, ველოდებით, რომ სახელმწიფო იმ პასუხისმგებლობის ფარგლებში, რომელიც დაზარალებულის მიმართ აქვს, გააკეთებს სათანადო ნაბიჯებს', — განაცხადა წილოსანმა.

მაკო გომური აცხადებს, რომ ერთი თვეა ცდილობს გერმანიაში, ექიმთან გეგმიური ვიზიტისთვის გაფრენას, თუმცა ჯანდაცვის სამინისტროსთან ამ საკითხზე კომუნიკაციას ვერ ახერხებს.

როგორც გომური საკუთარ ფეისბუქ გვერდზე წერს, აქამდე მას კომუნიკაცია ჰქონდა ჯანდაცვის სამინისტროს, საგანგებო სიტუაციების კოორდინაციის დეპარტამენტის უფროსთან, ავთო თალაკვაძესთან. გომურის ინფორმაციით, სწორედ თალაკვაძე იყო ერთ-ერთი მათ შორის, ვინც 20 ივნისის აქციის დაშლისას დაშავებულების მკურნალობის პროცესს კურირებდა. მისი თქმით, თალაკავაძის თანამდებობდან წავსლის შემდეგ ჯანდაცვის სამინისტროდან ვერავისთან ახერხებს ეფექტიან კომუნიკაციას.