ეროვნული ბიბლიოთეკა და მოძრაობა ეკვილიბრიუმი აგრძელებს ოკუპაციის ხაზის მიმდებარე სოფლებში მცხოვრები ახალგაზრდების მხარდაჭერას. ეროვნული ბიბლიოთეკის დირექტორი და ეკვილიბრიუმის დამფუძნებელი გიორგი კეკელიძე ამჯერად სოფელ გრემისხევს ეწვია.

"ჩემი მეგზურები, შესანიშნავი დები ლაზვიანთკარიდან, სალომე და რუსუდან ლაზვიაშვილები იყვნენ. ისინი ოკუპაციის ხაზისკენ, სოფელ გრემისხევში, საკუთარ ნათესავ გოგონასთან გამიძღვნენ. ამ გოგოს მამა დათო მიშელაშვილია, რომელიც შარშან ტყვედ ჰყავდათ ოკუპანტებს, თვითონ კი თეონა ჰქვია და ძალიან უყვარს კითხვა. დღეიდან მას საკუთარი ბიბლიოთეკა ექნება", — ამბობს გიორგი კეკელიძე.