NDI-ს გამოკითხვის თანახმად, საქართველოს პრეზიდენტის საქმიანობას ცუდად გამოკითხულთა 36% აფასებს, საშუალოდ — 34%, კარგად — 15%.

კითხვაზე, "როგორ შეაფასებდით პრეზიდენტ სალომე ზურაბიშვილის საქმიანობას", დარჩენილი 13% ამბობს, რომ არ იცის, 2%-მა კი უარი განაცხადა კითხვაზე.

აღნიშნულ კითხვაზე რეგიონების მიხედვით მონაცემები ასე განაწილდა:

  • თბილისი — კარგად აფასებს 13%, საშუალოდ — 30%, ცუდად — 39%, არ იცის 14%-მა, უარს ამბობს პასუხზე 4%;
  • ქალაქებში — კარგად აფასებს 14%, საშუალოდ — 35%, ცუდად — 36%, არ იცის 13%-მა, ხოლო უარს ამბობს 2%;
  • სოფლებში — კარგად აფასებს 16%, საშუალოდ — 36%, ცუდად — 33%, არ იცის 13%-მა, უარს ამბობს 2%.

ფოტო: NDI

კვლევა 2020 წლის 17-24 დეკემბრის პერიოდში ჩატარდა. სატელეფონო ინტერვიუს გზით ქვეყნის მასშტაბით 2 053 სრულწლოვანი ადამიანი გამოიკითხა (ოკუპირებული ტერიტორიების გამოკლებით). რესპონდენტები მარტივი შემთხვევითი შერჩევის გზით — შემთხვევით ნომერზე დარეკვის მეთოდით შეირჩნენ. ინტერვიუები ჩატარდა ქართულ, აზერბაიჯანულ, სომხურ და რუსულ ენებზე.

კვლევის საშუალო ცდომილების ზღვარი +/- 1.1%-ია. NDI-ში განმარტავენ, რომ ახალი მონაცემების კვლევის წინა ტალღებთან შედარებისას გასათვალისწინებელია, რომ ინტერვიუს მეთოდის ცვლილება შესაძლოა ცდომილებაზე აისახოს.