კულტურისა და ძეგლთა დაცვის სამინისტრომ მამა–შვილის, ჯემალ და გია ბაღაშვილების საიუბილეო კონცერტი 2016 წელს 20 ათასი ლარით დააფინანსა. ინფორმაციას ამის შესახებ სტუდია მონიტორი ავრცელებს. მონიტორისვე ინფორმაციით, 2015 წელს დაახლოებით იგივე თანხხა, 20 300 ლარი ბაღაშვილებს ბათუმში იუმორინას კონცერტის ჩასატარებლად აჭარის განათლების, კულტურისა და სპორტის სამინისტრომაც გამოუყო.

ინფორმაცია იუმორინას დაფინანსების შესახებ, თბილისის მერიიდან On.ge-მაც გამოითხოვა. ოფიციალური ცნობის მიხედვით, იუმორინა 2017 დედაქალაქის ბიუჯეტს 59 ათასი ლარი დაუჯდა. იანვარში ჩვენ აღნიშნული ინფორმაცია კულტურის სამინისტროდანაც გამოვითხოვეთ, თუმცა უწყებამ გვიპასუხა, რომ მათ იუმორინა არ დაუფინასებიათ.

იუმორინა 2017 ფილარმონიის საკონცერტო დარბაზში გაიმართა და ტელეკომპანია იმედის ეთერში გავიდა.