ქართული ოცნების დეპუტატის, მაია მენაღარიშვის განცხადებით, ბიძინა ივანიშვილს ტექსტის კარგი აღქმა აქვს და ტექსტებს თვითონ წერს.

"ვერ წარმოიდგენთ როგორი ტექსტის აღქმა აქვს, შეიძლება გაოცდეთ, საოცრად, კი, თვითონ წერს. თვითონ არის მთავარი ორგანიზატორი ამ ყველაფრის და რა თქმა უნდა, შემდეგ სარედაქციო ცვლილებები შედის, რა თქმა უნდა", — განაცხადა დეპუტატმა TV პირველის ეთერში.

კითხვაზე ბიძინა ივანიშვილის ცოლიც არის ჩართული თუ არა მისი ტექსტების წერის პროცესში მენაღრიშვილი პასუხობს, რომ მგონი, კი.

"ალბათ, იმიტომ, რომ ისაც ძალიან განათლებული და წერა-კითხვის კარგი მცოდნე ადამიანია", — ამბობს მენაღარიშვილი.

დღეს, 11 იანვარს ცნობილი გახდა, რომ ბიძინა ივანიშვილი პოლიტიკიდან მიდის. ამის შესახებ ინფორმაციის გასავრცელებლად ივანიშვილმა ვრცელი წერილი გამოაქვეყნა.